Inaresto para sa kasong Rebellion si Jennifer Awingan, ina ni Kara Taggaoa, Kilusang Mayo Uno International Officer at estudyante ng Departamento ng Sosyolohiya ng UP Diliman, kaninang 11:45 n.u. sa kanilang bahay sa Baguio.
Isa si Awingan sa walong aktibista mula sa Cordillera at Ilocos na pinaaaresto ng Regional Trial Court sa Abra dahil sa parehong kaso.
Noong Setyembre 27, 2023, hinuli rin sa gawa-gawang kaso si Taggaoa kasama ni Pasiklab Operators and Drivers Association (PASODA) President Helari Valbuena.
BASAHIN: https://sinag.press/news/2022/10/13/tuloy-ang-laban/
“Ang nanay ko ay katutubong Kalinga, tagapagtanggol ng kalikasan at karapatan ng mga katutubo, organisador ng magsasaka, at mabuting ina,” ani Taggaoa.
Giit niya, aktibista lamang ang kaniyang ina, at hindi kriminal o teroristang dapat ikulong.
BASAHIN: https://sinag.press/news/2022/10/12/aral-sa-aresto/
