---

MALAPYUDALISMO

ni Kerima Tariman, mula sa “Pag-aaral sa Oras” (2017)

ania nagan? kumusta?

mano nga tawen?

apay? kasano?

hindi kailangang

maging mananaludtod

upang gawing daniw

itong bugtong at saludsod:

MALAPYUDALISMO.

pinagdikit-dikit na titik

na sumusuyod sa ulo.

ito’y palaisipang

kaydaling matanto:

tumatanghod sa taltalon

tulad ng multong tuliro,

gumagapang sa mga gapas

at sa nabaling araro.

pingadikit-dikiy na titik,

na kurok sa sikmura

sa tuwing sasapit ang apit.

masakit na likod

kagat ng lamok

iyak ng bata

maganit na tuhod

murang sigarilyo

mahal na abono

inutang na kwarta

takot sa panginoon–

sumada ito ng sanlaksang talinhaga

sa salaysay ng Mannalon

sa Pulang mandirigma

2000

ania nagan? kumusta? mano nga tawen? apay? kasano?

anong pangalan? kumusta? ilang taon? bakit? paano?

daniw – tula

saludsod – tanong

taltalon – mga sakahan

apit – ani

mannalon – magsasaka

(Ilokano)

Featured image courtesy of MANILA BULLETIN.