Sa ilalim ng pasistang gobyerno,
Talamak, at kakila-kilabot na pang-aabuso
Pagkakaisa ang laban ng mamamayang Pilipino
Kaliwa’t kanan ang mga pangako
At panghihimok ng mga trapo
Ngunit ang kanilang mga salita’t
Bulong ay walang laman
Kaya sa ere’t sa kahirapan
Ang masa’y naiiwan
Sa pagsapit ng halalan sa Mayo
“United opposition!”
Ang ating sigaw upang matamo
Ang tuluyang pagpapatalsik
Ng pamahalaang Dutertismo
Dahil hangga’t hati hati sa mga paksyon
Ang mga lumalaban
At mga pwersa ng oposiyon,
‘Di makakamit ang pagbabago
At ang tunay na representasyon
Ang mga interes at pangangailanan
Ng masang Pilipino at ng buong kapuluhan
Sa pagsasama lamang makakamtan
‘Di man ito ang tanging kasagutan
Sa kabuoan ng sandamakmak na suliranin
Ng bawat mamamayan at ng lipunan
Ito’y tumatayo bilang at nagsisilbing
Unang hakbang:
Patungo sa pagbabago,
At patungo sa isang bayan
Na may malasakit sa masa
At progresibong lumalaban
Featured image courtesy of Kiko Buenaventura
