![\"\"](\"https:\/\/sinag.press\/news\/wp-content\/uploads\/2022\/05\/ni-xyryll-de-juan.png\")
<\/a><\/figure>\n\n\n\nInamin ni Brig. Gen. Randolph Cabangbang, commander ng 203rd Infantry Brigade, ang pagdakip kina Job David, Peter Del Monte, at Alia Encela \u2013 tatlong tanggol-katutubo na pinararatangan nilang miyembro ng New People\u2019s Army \u2013 noong Setyembre 19 sa Bongabong, Oriental Mindoro.<\/p>\n\n\n\n
Bagamat unang iniulat ng Police Regional Office MIMAROPA na nahuli ang tatlo noong Setyembre 25 dahil sa isang anti-illegal gambling operation sa Buenavista, Marinduque, sinabi ni Cabangbang sa kanyang pahayag na hinuli sila sa isang operasyong militar.<\/p>\n\n\n\n
Aniya, mga tukoy na miyembro ang tatlo ng New People\u2019s Army na hinuli ng militar nang tumugma sa kanilang nakalap na impormasyon.<\/p>\n\n\n\n
Ngunit sa pagsisiyasat ng humanitarian team, napag-alamang wala namang nakahaing kaso sa tatlo sa anumang korte sa Pinamalayan at Roxas, malapit sa kung saan sila dinakip.<\/p>\n\n\n\n
Giit ni Cabangbang, hindi raw ito kaso ng sapilitang pagkawala dahil siya mismo ang nagpaalam sa mga pamilya ng tatlo ukol sa kalagayan ng kanilang mga anak matapos sila ma-inquest sa Department of Justice.<\/p>\n\n\n\n
\u201cThis is most definitely not a case of enforced disappearance but an example of how the Army follows procedures and values human rights,\u201d aniya.<\/p>\n\n\n\n
Ngunit para sa Release Job, Peter, and Alia Network, kataka-taka pa ring nananatili ang tatlo sa kustodiya ng militar, lalo na kung na-inquest at may kaso naman na. <\/p>\n\n\n\n
\u201cWala ring anumang indikasyon na makapagsasabing malayang nakapili sila Peter, Job at Alia ng mga abugado, at dumadagan ang bigat ng kanilang pagkakapiit sa ilalim ng 203rd IBde sa anumang lagdaan nilang salaysay,\u201d giit nila sa kanilang pahayag.<\/p>\n\n\n\n
Pinalalabas din ni Brig. Gen. Cabangbang na mayroong mga nagpanggap mula sa KARAPATAN-NCR at pinapirma ang mga pamilya ng mga dokumento nang hindi ipinapaliwanag ang mga laman nito. <\/p>\n\n\n\n
Sinabi pa niya, \u201cThank you for providing me with evidence that the Army is more concerned with the rights of NPAs.\u201d<\/p>\n\n\n\n
Ngunit walang pruwebang inilatag si Brig. Gen. Cabangbang sa kanyang mga paratang at wala ring patunay na miyembro ng NPA ang sina Job, Peter, at Alia.<\/p>\n\n\n\n
Patuloy na ipinapawagan ng ugnayang ang agarang palayain ang tatlong lingkod-katutubo at ibalik sa kanilang mga pamilya.<\/p>\n\n\n\n
\u201cHindi mabibigyang-katwiran ng pagturing na NPA sa kanila ni Brig. General Cabangbang ang iligal na pagkapiit kina Peter, Job, at Alia sa ngalan ng mga batas ng armadong tunggalian at internasyunal na makataong batas,\u201d anila. <\/p>\n\n\n\n
Dagdag lamang daw ito sa mga krimen ni Cabangbang at ng 203rd Infantry Brigade sa Mindoro. <\/p>\n\n\n\n
\u201cIniitiman nila ang luntiang kabundukan ng Mindoro na mayaman sa mga kahayupan at flora at fauna sa kanilang pambobomba at panganganyon sa mga komunidad ng Mindoro,\u201d<\/p>\n\n\n\n
17 araw na ang nakalipas mula nang dukutin sila Job, Peter, at Alia, ngunit hanggang ngayon, kinakailangan pa rin daw singilin ng mga kaanak at kaibigan ang militar upang palitawin sila. <\/p>\n\n\n\n
\u201cPatuloy pa rin ang panawagang palayain sila at panagutin ang 203rd IBde pati na rin si Brig. Gen. Cabangbang sa kanilang mga pagtapak sa karapatang pantao, hindi lamang sa tatlo, ngunit pati na rin laban sa mga Mangyan, mamamayang Mindore\u00f1o, at sa iba pang mga lingkod-katutubo at tagapagtanggol ng kalikasan,\u201d sabi ng Release Job, Peter, and Alia Network. <\/p>\n\n\n\n
#LigtasNaBalikEskwela<\/p>\n\n\n\n
Featured image courtesy of <\/em>Release Job, Peter, & Alia Network<\/p>\n\n\n