{"id":6883,"date":"2024-11-04T20:01:16","date_gmt":"2024-11-04T12:01:16","guid":{"rendered":"https:\/\/sinag.press\/news\/?p=6883"},"modified":"2024-11-04T20:01:18","modified_gmt":"2024-11-04T12:01:18","slug":"takot-ako-sa-multo","status":"publish","type":"post","link":"https:\/\/sinag.press\/news\/2024\/11\/04\/takot-ako-sa-multo\/","title":{"rendered":"Takot Ako Sa Multo"},"content":{"rendered":"\n

sulat ni Venice Ramin Roxas<\/strong>
dibuho ni Ria Cena<\/strong><\/em><\/p>\n\n\n\n

Takot ako sa multo.<\/p>\n\n\n\n

Mula pagkabata ay tila bang bawat sulok ay pakiramdam kong may kadilimang nagkukubli.
Mga engkantong iba-iba ang wangis\u2013
Mga nilalang na iba-iba ang bitbit na lagim.<\/p>\n\n\n\n

Naaalala ko ang mga gabi na nagtatago sa ilalim ng kulambo
Hindi mapatay ang ilaw, nakabukas ang telebisyon
Nakaprograma ang \u2018Gabi ng Lagim\u2019 o kaya ang \u2018Misteryo\u2019
Nakapikit ang mga mata, nakatakip ang tainga\u2013<\/p>\n\n\n\n

Nagbubulag-bulagan, nagbibingi-bingihan<\/em>
Kunwari walang nakikita, walang alam\u2013
Walang nararamdaman.<\/strong><\/p>\n\n\n\n

Ngunit, sino ba ang hindi matatakot?
Na sa pagkakataong papatayin ang liwanag
Kadiliman ay babalot, hindi makagalaw
Nanlalamig ang mga katawan\u2013
Uusbong ang mga aninong ligaw.<\/p>\n\n\n\n

Ngayon, masasabi ko pa kaya na takot ako sa multo?
Ngayon na sa pagtanda ay pasan ang bigat ng kasalukuyan,
O buhat pa rin ng takot sa mga multo ng kasaysayan?<\/p>\n\n\n\n

Masasabi ko ba na ang takot ko ay sa mga multo pa rin?
O sa mga manananggal na sumipsip ng dugo\u2019t laman?
Sa mga kapreng pinaglalaruan ang ating landas?
\u2018Di kaya sa mga nuno sa punso na hawak ay kapalaran?<\/p>\n\n\n\n

Hindi.
Takot ako sa multo\u2014
sa mga multo lamang.<\/p>\n\n\n\n

Mga kaluluwang iginuhit buhat ng katapusan\u2014
Katapusan ng buhay na nais pang silayan\u2014
Mga buhay na inagawan ng kinabukasan.<\/p>\n\n\n\n

Mga multong hinulma ng mga halimaw,
Mga multong inilathala ng karahasan,
Mga buhay na ninakaw mula sa kasakiman\u2014
Kalayaang hinubad ng masamang lipunan.<\/p>\n\n\n\n

Takot ako sa multo.<\/p>\n\n\n\n

Sa mga multo na imbes palay ang inaani,
Butil ng kasarinlan ang ibinubungkal
Mga multo na nakayuko magdamag sa araw
\u2018Di birong nagtatanim ng hanapbuhay\u2014
Habambuhay nang nakahandusay sa lupang tinubuan.<\/p>\n\n\n\n

Takot ako sa multo.<\/p>\n\n\n\n

Sa mga multo na dapat hawak ay papel at lapis
Tinaniman ng bala at iniwanan ng hinagpis
Mga multo na dapat ipinaglalaban ang buhay\u2014
Ngayon ay nanlaban kaya wala ng buhay.<\/p>\n\n\n\n

Sa mga multong ngayon ay hindi na lamang anino\u2014
mga alaala ng mga nawalang kaluluwa,
mga boses na bumabalik sa akin,
sumisigaw ng saklolo\u2014
tinutukso ang aking konsensya na magsalita,
na hindi na pupuwedeng ipikit pa ang mata\u2014<\/p>\n\n\n\n

Na hindi na puwedeng magtago sa kulambo<\/em>
Magtakip ng tainga, magbibingi-bingihan<\/em>
Kunwari walang alam\u2013<\/em>
Walang nararamdaman.<\/strong><\/p>\n\n\n\n

Takot ako sa multo.
Hindi na magbabago iyon.
Ngunit sa aking pagtanda ay napagtanto\u2014
Na ang mga multo ay biktima lamang din\u2014
Biktima ng kadiliman, ng kasamaan.<\/p>\n\n\n\n

Ng lipunan.<\/p>\n\n\n\n

Ng takot.<\/p>\n\n\n\n

Mga multo ng nakaraan\u2013
Na hanggang ngayo\u2019y hindi pa inililibing\u00a0
Ni lupa\u2019y hindi pa binubungkal buhat ng bigat\u2014
Bigat ng palang humuhukay sa baul ng kayamanan,
Sa ganansya ng mga naghaharing-uri\u2013
At malibing sa nayurak na tinubuang lupa\u2014\u00a0
Lupang ninanakaw mula sa kanunu-nunuan.<\/p>\n\n\n\n

Mga multong tinutuka ng mga buwitre\u2014
Dugo\u2019t laman sinisipsip ng mga baluwarte,
Ng mga dinastiyang nilulustay ang buhay\u2014
Sinisipsip ang kaban ng bayan\u2014
Walang iniiwang laman.<\/p>\n\n\n\n

Mga multong inakala\u2019y maipapangako ang kinabukasan,
Ipinako lamang ng mga pawang kasinungalingan
Mga multong nagpepenitensya, wala namang kasalanan\u2014
Ngunit pasan-pasan ang sala ng kahirapan.<\/p>\n\n\n\n

Takot ako sa multo.
Ngunit takot din sila.<\/p>\n\n\n\n

Takot sa dulot ng mga bintang na \u2018di naman totoo,
Mga biktima ng lipunang mapanlinang\u2014
Ng kadalisayang may itinatagong kasamaan
Kunwari\u2019y may dangal, terorista naman.<\/p>\n\n\n\n

Sila ang tunay na nagtatago sa dilim\u2014
Mga nilalang na nababalot ng kadiliman
Nag-aangkin ng kapangyarihan, nagtatago ng kasalanan,
Naghuhulmang santo, ngunit akala mo’y diablo kung mandahas.<\/p>\n\n\n\n

Sila ang nakakatakot.<\/p>\n\n\n\n

Hindi ang mga multo.<\/p>\n\n\n\n

Dahil ang mga multo ay mga bibig na hindi na muling bibigkas\u2014
Mga boses ng hustisya\u2014\u00a0
mga boses na dapat nating pinakinggan.<\/p>\n\n\n\n

At ang dapat katakutan ay ang mga nagbabalat-kayo,
Mga naghaharing-uri, ganid sa korona\u2019t trono\u2014
Nagkukunwaring anghel, ngunit sa likod ay demonyo\u2014\u00a0<\/strong><\/p>\n\n\n\n

Dahil ang mas nakakatakot ay ang mga buhay, na kayang pumatay.<\/strong><\/p>\n","protected":false},"excerpt":{"rendered":"

Takot ako sa multo.
\nNgunit takot din sila.<\/p>\n","protected":false},"author":9,"featured_media":6885,"comment_status":"open","ping_status":"open","sticky":false,"template":"","format":"standard","meta":{"_jetpack_newsletter_access":"","_jetpack_dont_email_post_to_subs":false,"_jetpack_newsletter_tier_id":0,"_jetpack_memberships_contains_paywalled_content":false,"_jetpack_memberships_contains_paid_content":false,"footnotes":""},"categories":[10],"tags":[113,76,106],"ppma_author":[122],"class_list":["post-6883","post","type-post","status-publish","format-standard","has-post-thumbnail","hentry","category-literary","tag-class-conflict","tag-politics","tag-state-fascism"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t