{"id":7160,"date":"2025-10-27T15:41:30","date_gmt":"2025-10-27T07:41:30","guid":{"rendered":"https:\/\/sinag.press\/news\/?p=7160"},"modified":"2025-10-27T21:20:35","modified_gmt":"2025-10-27T13:20:35","slug":"mga-na-relocate-na-manininda-may-panawagan-sa-komunidad-ng-kapp","status":"publish","type":"post","link":"https:\/\/sinag.press\/news\/2025\/10\/27\/mga-na-relocate-na-manininda-may-panawagan-sa-komunidad-ng-kapp\/","title":{"rendered":"Mga na-relocate na manininda, may panawagan sa komunidad ng KAPP"},"content":{"rendered":"\n

Matapos ang \u201crelocation\u201d mula Fernandez Street sa gilid ng Palma Hall papuntang College of Arts and Sciences Alumni Association (CASAA) ruins noong Oktubre 15, patuloy pa ring kumakaharap sa patung-patong na gastusin ang mga manininda sa kabila ng mga natamong sira ng kanilang mga kiosk. <\/p>\n\n\n\n

Ito ay matapos silang magalsabalutan dahil sa utos na pagpapalipat ng University of the Philippines Diliman Office of the Vice Chancellor for Planning and Development (OVCPD). Kaugnay ito ng planong “landscaping” na bahagi ng konstruksyon ng bagong gusali ng UP School of Library and Information Studies (SLIS).<\/p>\n\n\n

\n
\"\"
Paglilipat ng mga manininda noong Oktubre 15<\/figcaption><\/figure>\n<\/div>\n\n\n

Sa isang alert na inilabas ng SINAG, isinalaysay ni Mang Ramon Manuzon, isa sa mga apektadong manininda, na  anim na araw lamang ang ibinigay sa kanila upang umalis sa kanilang mga pwesto na iginiit nilang \u201chindi sapat.\u201d Paglilinaw ni Samahan ng mga Manininda sa UP Campus Chairperson Narry Hernandez, nag-abiso ang OVCPD sa Samahan noong Oktubre 10, na sa Oktubre 16 na ang pinal na araw upang makalipat ng puwesto ang mga manininda. <\/p>\n\n\n\n

Ayon sa pakikipanayam ng SINAG, nagpasyang lumipat ang mga manininda noong hapon ng Oktubre 15 upang agarang makabalik sa serbisyo kinabukasan, dahil sa paghahabol ng kanilang arawang kita. <\/p>\n\n\n\n

Napilitang umupa ng mga tao ang mga maninindang apektado ng naturang relocation upang maging katuwang sa pagbubuhat. Ngunit naging dagdag pasakit lamang sa kanila ang gastusing dala nito. Napilitan silang humingi ng tulong mula sa mga construction worker na mismong nagsasagawa ng landscaping sa lugar dahil sa pangyayari. <\/p>\n\n\n

\n
\"\"
Paglilipat ng mga manininda noong Oktubre 15<\/figcaption><\/figure>\n<\/div>\n\n\n

Kuwento ng isang construction worker, walong (8) buwan lamang ang ibinigay sa kanila ng isang contractor mula Department of Public Works and Highways (DPWH)\u00a0 para tapusin ang buong proyekto sa SLIS kabilang ang landscaping na apektado ang pwesto ng mga manininda.<\/p>\n\n\n\n

Pansamantala lang ang kasalukuyang pwesto ng mga manininda ngayon sa CASAA ruins. Hanggang Disyembre 2025 o Enero 2026 lamang sila maaaring manatili rito bago sila muling ilipat sa tapat ng Gonzales Hall o Main Library kung saan din matatagpuan ang Parking Lot ng Palma Hall, ayon sa abiso ng OVCPD. Giit ni Mang Ramon, magiging mahirap ang kanilang pagbebenta roon dahil nananatili pa ring under construction ang gusali at bihirang puntahan ng mga estudyante.<\/p>\n\n\n

\n
\"\"
CASAA ruins na nilipatan na ng mga apektadong manininda<\/figcaption><\/figure>\n<\/div>\n\n\n

\u201cWala kaming kikitain doon. Sino ang bibili sa amin? Paano naman ang pamilya namin?\u201d ani Mang Ramon. Nanawagan siya sa mga Iskolar ng Bayan na makiisa sa kanilang panawagan para sa mas maayos at makataong pagtrato sa maliliit na manininda sa loob ng kampus.<\/p>\n\n\n\n

Bilang tugon sa panawagan ng mga manininda, naglabas ang UP Diliman College of Social Sciences and Philosophy (CSSP) Student Council at Ugnayang Tanggkol KAPP (UTAK) ng isang donation drive <\/strong><\/a>upang mapondohan ang paglipat ng mga manininda at makapagtinda sila ng maayos sa CASAA ruins sa pansamantalang panahon.<\/p>\n\n\n\n